لاہور (سٹاف رپورٹر)انچارج انویسٹی گیشن تھانہ ڈیفنس سی پولیس ٹیم نے پیشہ ور ڈکیت گینگ کے 2ملزمان کو گرفتار کر لیا۔ ملزمان میں گینگ کا سرغنہ حسنین اور ساتھی امیر حمزہ شامل ہیں۔ ملزموں سے شہریوں سے چھینے گئے موبائل فونز، نقدی اور ناجائز اسلحہ برآمد کر لیا گیا۔ مصطفیٰ ٹاؤن پولیس نے 3 رکنی وقار عرف قاری نقب زن گینگ گرفتار کر لیاگرفتار ملزمان میں وقار ، عرفان اور ضیا شامل ہیں۔ملزمان سے چوری شدہ لیپ ٹاپ ،ایل سی ڈی ، گھڑیاں اور طلائی زیوارات‘ 3 لاکھ نقدی رقم ،5عدد موبائل فونز برآمد کرلئے ۔مناواں پولیس نے موبائل چھیننے کی وارداتوں میں ملوث ملزمان ذیشان عرف شانی اور یونس کو گرفتار کر کے 6 موبائل، نقدی، 2 پستول، میگزینز اور گولیاں برامد کر کے مقدمات درج کر لیے ۔