لاہور(نیوز رپورٹر) نیشنل انسٹیٹیوٹ آف مینجمنٹ کے ٹریننگ شرکاء کا لیسکو ہیڈکوارٹر کا دورہ،چیف ایگزیکٹو انجینئر شاہد حیدر سے ملاقات۔چیف ایگزیکٹو لیسکو انجینئر شاہد حیدر نے ان شرکاء کولاہور الیکٹرک سپلائی کمپنی جو کہ پاور سیکٹر میں صارفین کے لحاظ سے پاکستان کی سب سے بڑی آرگنائزیشن ہے کے بارے میں لیکچر دیا۔چیف ایگزیکٹو لیسکو انجینئر شاہد حیدر نے مینجمنٹ کورس کے حوالے سے  شرکاء کے علم میں اضافہ کیا جو کہ ان کو مستقبل میں آگے بڑھنے کیلئے کارآمد ثابت ہو گا۔ لیسکو کی جانب سے جی ایم ٹیکنیکل عامر یٰسین، کسٹمر سروسز ڈائریکٹر سرور مغل، ڈائریکٹر سی ایم یو نعمان ملہی بھی موقع پر موجود تھے۔ نیشنل انسٹیٹیوٹ آف مینجمنٹ کے ٹریننگ شرکاء کو لیسکو کے سیفٹی،پی ڈی سی اور کسٹمر سروسز سینٹر کا بھی وزٹ کروایا گیا جہاں متعلقہ ڈیپارٹمنٹ کے افسران نے ان کو اپنے ڈیپارٹمنٹس کے کام کے حوالے سے بریفنگ دی۔