لاہور (سٹاف رپورٹر) طیفی بٹ کے بہنوئی جاوید بٹ کے قتل کی تفتیشی ٹیموں نے حملہ کرنے والے کی شناخت کر لی۔ پولیس ذرائع کے مطابق تفتیشی ٹیموں نے رکشہ ٹریس کر کے شوٹر تک رسائی حاصل کر لی۔ جاوید بٹ پر فائرنگ کرنے والے ملزم کی شناخت اظہر کے نام سے ہوئی۔ ملزم اظہر سنت نگر اسلام پورہ کا رہائشی ہے۔ ملزم نے گڑھی شاہو کے رہائشی وجیہہ الحسن سے رکشہ چلانے کے لئے کرائے پر لیا تھا۔ ملزم رکشہ ساندہ کے علاقے میں ایک رکشہ سٹینڈ پر کھڑا کرتا تھا۔ جاوید بٹ کے قتل سے دو روز قبل رکشہ سٹینڈ سے نکالا گیا۔