فیصل آباد+ راولپنڈی+ قصور (نمائندہ خصوصی + این این آئی+ نوائے وقت رپورٹ) مبینہ پولیس مقابلوں میں دو ڈاکو فیصل آباد اور دو راولپنڈی اور تین کوٹ رادھاکشن میں  ہلاک ہوئے۔ تفصلات کے مطابق غلام محمد آباد کے علاقہ سجان چوک شاہ جہان نامی ڈاکو جبکہ نشاط آباد کے چک 51 ج ب کے قریب خطرناک ملزم انوار ہلاک ہو گیا۔ دریں اثناء راولپنڈی کے علاقے چاکرہ میں امتیاز مارکیٹ کے قریب موٹر سائیکلوں پر سوار ڈاکوؤں نے پولیس پر فائرنگ کی۔ جوابی کارروائی میں مارے گئے۔ علاوہ ازیں تھانہ کوٹ رادھاکشن کے علاقے میں مبینہ پولیس مقابلہ میں سنگین مقدمات میں مطلوب تین ڈاکو ہلاک ہو گئے۔