لاہور؍ احمد پور شرقیہ (سٹاف رپورٹر+ نوائے وقت رپورٹ) داتاگنج بخش ٹاؤن یو سی 69 میں پولیو ٹیم پرتشددکیا گیا۔ پولیوٹیم سے جھگڑے کی موبائل فوٹیج منظر عام پرآگئی۔گزشتہ روز پولیو ورکرز کوایک خاتون نے تشدد کا نشانہ بنایا، تشدد کے دوران خاتون پولیو ورکر کے کپڑے بھی پھٹ گئے۔ پولیو ٹیم کے ساتھ موجود پولیس ٹیم نے پولیو ورکر کے ساتھ جھگڑا کرنے والے ملزم گرفتار کر لئے۔ ملزموں میں خاتون اور مرد شامل ہیں۔ دریں اثناء احمد پور شرقیہ کے محلہ ملتانی میں خواتین نے بچوں کو پولیو کے قطرے پلانے سے انکار کر دیا۔ انچارج پولیو شاہینہ عباسی کے مطابق اہلخانہ نے پولیو ٹیم پر تشدد کیا اور کمرے میں بند کر دیا۔ پولیس ٹیم پر حملے کے الزام میں ایک شخص کو حراست میں لے لیا گیا۔