کراچی: مطلع جزوی ابر آلود، ہلکی بوندا باندی کا امکان:محکمہ موسمیات

شہر قائد میں آج مطلع جزوی ابر آلود رہنے کے ساتھ صبح و شام کے اوقات میں بوندا باندی کا امکان ہے۔محکمہ موسمیات کے مطابق شہر میں آج کم سے کم درجہ حرارت 26.9 ڈگری سینٹی گریڈ ریکارڈ کیا گیا۔اس وقت شہر کا موجودہ درجہ حرارت 31 ڈگری سینٹی گریڈ ریکارڈ کیا گیا ہے جبکہ آج زیادہ سے زیادہ درجہ حرارت 35 ڈگری سینٹی گریڈ رہنے کا امکان ہے. اس کے علاوہ ہوا میں نمی کا تناسب 74فیصد ریکارڈ کیا گیا۔محکمہ موسمیات کے مطابق آج کراچی کا موسم خوشگوار رہے گا .مطلع جزوی ابر آلود رہے گا. تاہم تیز بارش کا کوئی امکان نہیں ہے۔