چینی میڈیا کے مطابق زلزلے نے ملک کے شمال مغربی صوبے کنگئی کو بری طرح متاثر کیا ہے ۔ زلزلے سے کئی عمارتیں تباہ ہو چکی ہیں ۔ عمارتوں کے ملبے کے نیچے متعدد افراد کے دب جانے کی بھی اطلاعات ہیں ۔ حکام نے اب تک ستر سے زائد افراد کی ہلاکت کی تصدیق کی ہے جبکہ درجنوں زخمیوں کو طبی مراکز پہنچا گیا ہے ۔ زلزلے کی شدت کے باعث بڑے پیمانے پر ہلاکتوں کا خدشہ  ظاہر کیا جا رہا ہے ۔ زلزلے سے متاثرہ علاقوں میں امدادی کارروائیاں شروع کر دی گئی ہیں اور ملبے تلے دبے افراد کو نکالا جا رہا ہے جبکہ بے گھر ہونیوالے افراد کے لیے خیمہ بستیاں قائم کی جا رہی ہیں۔