گوجرانوالہ کے سيٹلائٹ ٹاؤن ميں آتشزدگی کے بعد گرنے والی عمارت کے ملبے سے مزید دو افراد کی لاشیں نکال لی گئی ہیں جس کے بعد ہلاکتوں کی تعداد بارہ ہوگئی ہے۔ ريسکيو ذرائع کا کہنا ہے کہ مارکيٹ کے ملبے تلے ابھی تک سات سے آٹھ افراد دبے ہوئے ہيں جن کونکالنے کے لئے امدادی سرگرمیاں جاری ہیں۔ حادثے میں بچے سمیت اٹھارہ افراد زخمی بھی ہوئے جنہیں طبی امداد دی جارہی ہے۔ گوجرانوالہ کے علاقے سيٹلائٹ ٹاؤن ميں گذشتہ روز تين منزلہ سپر اسٹور کی بالائی منزل پر تعميراتی کام جاری تھا کہ اچانک دھماکے سے چھت گرگئی جس کے بعد آگ بھڑک اٹھی۔ عمارت کی تينوں منزليں ايک ايک کر کے گرتی گئيں جس کے باعث شاپنگ کے لئے آنے والے افراد اور ملازمين ملبے تلے دب گئے.