لاہور (خصوصی نامہ نگار) مسیحی برادری نے گزشتہ روز پام سنڈے منایا، اس سلسلہ میں گرجا گھروں میں خصوصی تقریبات منعقد ہوئیں، اس سلسلہ میں کتیھڈرل چرچ، سینٹ انتھونی چرچ و دیگرگرجا گھروں میں تقریبات ہوئیں جن میں مسیحی برادری کی بڑی تعداد نے شرکت کی۔ اس موقع پر پادری حضرات نے حضرت عیسیٰ علیہ السلام سے منسوب ایک واقعہ کے حوالے سے خصوصی بیانات دیئے۔ صوبائی دارالحکومت میں سب سے بڑی تقریب کیتھڈرل چرچ میں ہوئی۔ علاوہ ازیں تمام مسیحی برادری آئندہ جمعہ کے روز گڈ فرائی ڈے منائے گی جبکہ 20 اپریل کو ایسٹر کا تہوار منایا جائے گا۔ ایسٹر کا تہوار مسیحیوں کا دوسرا بڑا تہوار ہے۔