پی پی پی سنٹرل پنجاب کی صدارت کیلئے کائرہ، ندیم افضل چن، رانا آفتاب رانا فاروق کے نام سامنے آ گئے

لاہور (خبرنگار) پیپلز پارٹی سنٹرل پنجاب کی صدارت کیلئے پارٹی کے (مرکزی) سیکرٹری اطلاعات قمر الزمان کائرہ، سابق صدر آصف زرداری کے مشیر ندیم افضل چن، مرکزی رہنما رانا آفتاب اور رانا فاروق کے نام سامنے آگئے۔ پارٹی کے باخبر حلقوں کے مطابق قرعہ فال انہی شخصیات میں سے کسی ایک کے نام نکلے گا۔ رانا آفتاب اس سے پہلے بھی پیپلز پارٹی پنجاب کے صدر رہ چکے ہیں۔ انہیں شاہ محمود قریشی کے بعد پنجاب پیپلز پارٹی کا صدر بنایا گیا تھا۔ سنٹرل پنجاب کے حوالے سے پارٹی کے اندرونی ذرائع کا دعویٰ ہے کہ مخدوم سید احمد محمود کو صدر برقرار رکھا جائیگا۔