کراچی: مختلف علاقوں میں دو افراد کو فائرنگ کر کے ہلاک کر دیا گیا

کراچی (کرائم رپورٹر) کراچی کے مختلف علاقوں میں دو افراد کو فائرنگ کرکے ہلاک کردیا گیا ان میں سے ایک شخص کی نعش کورنگی کراسنگ پر اٹک پٹرول پمپ کے قریب سے ملی جس کی عمر تقریباً 28سال تھی اسے سینے میں گولی مارکر ہلاک کیا گیا تھا۔ ادھر میمن گوٹھ ملیر میں نامعلوم افراد نے ایک شخص محمد زاہد ولد در محمد کو فائرنگ کرکے ہلاک کردیا اور فرار ہوگئے۔دریں اثناء گلشن معمار کے علاقے احسن آباد کے قریب برفت گوٹھ میں سی ٹی ڈی پولیس کے ساتھ مقابلے میں مارے جانے والے دہشت گردوں کا تعلق القاعدہ برصغیر سے تھا۔