کراچی (اسپورٹس رپورٹر)پاکستان ہاکی فیڈریشن اور سندھ ہاکی ایسوسی ایشن کی ہدایات پر خیرپور میں انٹر کلب ہاکی چیمپئن شپ برائے کلب اسکروٹنی شروع ہو گئی جس کے پہلے روز ینگ ہاکی کلب اور سٹی ہاکی کلب نے اپنے میچز جیت لیے ۔چیمپئن شپ کا ا آغاز بخت علی ڈھوٹ ہاکی اسٹیڈیم لقمان خیرپور پرہوا۔اس موقع پر منعقدہ افتتاحی تقریب کے مہمان خصوصی عنایت علی ڈھوٹ تھے ۔انہوں نے خیر پور میں ہاکی کلبوں کو اس ایونٹ میں شرکت پر مبارکباد دی اور کھیل کے ساتھ ساتھ تعلیم کے حصول کی تلقین بھی کی۔ افتتاحی میچ میں ینگ ہاکی کلب خیرپور نے سٹی ہاکی کلب خیرپور کو 3-1 سے شکست دے دی جبکہ دوسرے میچ میں مہران ہاکی کلب خیرپور نے کنگری ہاکی کلب کو باآسانی 3-0 سے ہرادیا۔اس موقع پرسید زاکر حسین زیدی،عبدالحمید ڈپٹی،غلام مرتضیٰ ڈھوٹ، عرفان علی ڈھوٹ اور دیگربھی موجود تھے ۔