راولپنڈی (نوائے وقت رپورٹ) پاکستان کے جڑواں شہروں اسلام آباد اور راولپنڈی کے محکمہ وائلڈ لائف نے ایک ڈرامائی آپریشن میں ریچھ کو برآمد کرنے کے بعد ریچھوں کے لیے قائم بحالی سینٹر میں بھجوا دیا ہے۔ خاتون افسر رضوانہ نے بتایا کری روڈ پر پہنچے تو وہاں پہلے سے اسلام آباد وائلڈ لائف کے اہلکار موجود تھے۔ جبکہ موقع پر ایک شخص ریچھ کے ہمراہ موجود تھا جس کو ہم نے اپنی تحویل میں لے کر مقامی عدالت میں پیش کیا، گرفتار شخص کو ضمانت پر رہا کر دیا۔راولپنڈی ڈویژن کے محکمہ وائلڈ لائف کی خاتون افسر رضوانہ بی بی نے بی بی سی کو بتایا کہ جمعرات کو انہیں اسلام آباد وائلڈ لائف مینجمنٹ بورڈ کی جانب سے مدد کے لیے کہا گیا تھا جس کے بعد وہ اپنی ٹیم کے ہمراہ راولپنڈی کے علاقے کری روڈ پر پہنچے تو وہاں پہلے سے اسلام آباد وائلڈ لائف کے اہلکار موجود تھے جبکہ موقع پر ایک شخص ریچھ کے ہمراہ موجود تھا جس کو ہم نے اپنی تحویل میں لے کر مقامی عدالت میں پیش کیا، گرفتار شخص کو ضمانت پر رہا کر دیا۔