یو اے ای نے خلائی مشن کے لیے ھزا علی خلفان المنصوری کے نام کا اعلان کردیا

ابوظہبی (آن لائن) متحدہ عرب امارات کے حکام نے خلائی مشن کے لیے ھزا علی خلفان المنصوری کے نام کا اعلان کر دیا۔ وہ پہلے اماراتی ہیں جو 8 روز خلا میں گزاریں گے۔ محمد بن راشد خلائی مرکز نے اپنے خلائی پروگرام کے لیے ھزا المنصوری کے نام کا انتخاب کرلیا، جو عالمی خلائی مشن کا آٹھ روزہ دورہ رواں برس ستمبر میں کریں گے۔ سابق ملٹری پائلٹ 14 برس سے زائد کا تجربہ رکھتے ہیں جس کی بنا 4 ہزار درخواستوں میں ان کا نام منتخب کیا گیا۔