جدہ ( امیرمحمد خان ) ہزارے وال اوورسیز پاکستانیز فورم اور تحریک انقلاب صوبہ ہزارہ کے زہر اہتمام جدہ میں شہداء ہزارہ کی نویں برسی کے موقع پر تقریب کا اہتمام کیا گیا جس میں سعودی عرب کے تمام شہروں میں مقیم ہزارہ کمیونٹی سے تعلق رکھنے والوں نے کثیر تعداد میں شرکت کی۔ تقریب کی صدارت فورم کے قائمقام چئیر مین چوہدری دلپزیر نے کی تقریب میں ہزارے وال اوورسیز پاکستانیز فورم کے ذمہ داران اور تحریک انقلاب صوبہ ہزارہ کے اراکین نے شہداکی آج تک ایف آئی آر نہ درج ہونے کے خلاف احتجاج سیاہ پٹیایاں باندھ کر تقریب میں شرکت کی،تقریب سے خطاب کرتے ہوئے فورم کے مرکزی چئیرمین چوہدری نورالحسن گجر ،نائب صدر شاہ جہاں مغل ،جوائنٹ سیکرٹری رفیق خان ،فنانس سیکرٹری امتیاز قریشی جدہ باڈی کے جنرل سیکرٹری محمد اقبال ،پی ٹی آئی جدہ کے رہنما عجائب خان فورم کے سنئیر ممبر شاہ جہاں قریشی ،سردار تنویر اور قاسم باسط نے اپنے خطاب میں پی ٹی ٓئی ،ن لیگ اور ہزارہ سے منتخب اراکین کو خوب اڑے ہاتھوںلیا۔