پاکستان سمیت دنیا بھر کے مختلف حصوں میں فیس بک، انسٹا گرام اور واٹس ایپ کی سروس معطل ہوگئی۔غیرملکی میڈیا کے مطابق دنیا کے مختلف ممالک میں سوشل میڈیا کی سروسز متاثر ہوگئی ہیں، اور یورپ، امریکا سمیت ایشیا کے مختلف ممالک میں صارفین کو سروسز کے استعمال میں دشواری کا سامنا ہے۔ فیس بک، انسٹاگرام اور واٹس ایپ کی سروس دنیا کے مختلف حصوں میں معطل ہوگئی ہے، تاحال اس حوالے کوئی تصدیق نہیں ہوسکی کہ سروسز معطل کرنے کی کیا وجوہات ہیں۔