رمضان میں قرآن کوخصوصی طور پر سمجھیں‘ صدر انجمن تجارت ملازمت و زراعت پیشہ خواتین

ملتان (لیڈی رپورٹر) انجمن تجارت ملازمت وزراعت پیشہ خواتین ملتان کی صدر طاہرہ نجم نے کہا ہے کہ رمضان المبارک تقویٰ حاصل کرنے کا مہینہ ہے۔ دنیا کی محبت چھوڑ کر اللہ کیلئے خالص ہوکر ہی ہم اپنی عاقبت سنوار سکتے ہیں۔ اللہ نے اُمت محمدیہ کیلئے رمضان المبارک کا مہینہ کسی تحفہ سے کم نہیں دیا۔ اس ماہ میں ہم اللہ کی جانب سے نازل کردہ قرآن کی تلاوت کریں اسے سمجھیں اور اس پر عمل کرنے کی کوشش کریں۔ ان خیالات کا اظہار انہوں نے استقبال رمضان کی تقریب میں اظہار خیال کرتے ہوئے کیا۔ تقریب میں پروین نیاز، بلقیس زاہد، انیلہ عبید، زہرہ سجاد زیدی، شبانہ قریشی، مس فاطمہ اور دیگر خواتین نے شرکت کی تقریب میں قر أت اور ھدیۂ نعت بھی پیش کیا۔