100فیصد یقین ہے جلد انتھونی جوشوا سے فائٹ ہوگی : ٹائی سن فیوری 

لاہور (سپورٹس ڈیسک) باکسر ٹائی سن فیوری نے کہا ہے کہ سو فیصد یقین ہے کہ بہت جلد ہیوی ویٹ فائٹ انتھونی جوشوا سے ہو گی ۔ مقابلے کیلئے تاریخ اور مقام کا اعلان بھی جلد کر دیا جائے گا۔ دونوں انگلش باکسر ز کے نمائندے اس حوالے سے پیشکش کا جائزہ لے رہے ہیں اور مقابلے کیلئے مقام اور تاریخ کا اعلان کریںگے ۔ سعودی عرب کی طرف سے بھی پیشکش کی گئی ہے اور فیوری نے کہا ہے کہ پیشکش پر غورکیاجا رہا ہے ۔ انہوں نے مزید کہا کہ منگل تک مجھے کوئی علم نہیں تھا لیکن میں آگے کی طرف دیکھ رہا ہوں ۔ بڑے باکسر ز کی طرف سے کچھ پیشکش آئی ہیں ‘سب کچھ دیکھ کر بہت خوشی ہوئی ہے ۔