لاہور (سپورٹس ڈیسک )جنوبی افریقن ایمرجنگ ویمنز کرکٹ ٹیم کی پانچ کھلاڑی جن کا گزشتہ روز کرونا ٹیسٹ مثبت آیا تھا اب منفی آگیا ہے ‘ دورہ بنگلہ دیش کے بعد سکواڈ کو وطن واپس جاناتھا تاہم کھلاڑیوں کے کرونا کا شکار ہونے پر تاخیر ہوگئی تھی ۔ اب کرونا ٹیسٹ منفی آنے پر سکواڈ وطن واپس جا سکتا ہے ۔ کرکٹ جنوبی افریقہ کے مطابق پہلے مثبت آنے والے کرونا ٹیسٹ بھی غلطی سے مثبت آئے تھے ۔ سکواڈ اب وطن واپس آسکتا ہے ۔ کھلاڑیوں کے مثبت کرونا ٹیسٹ سلہٹ میں آئے تھے جہاں چار ون ڈے میچز کھیلے گئے تھے ۔ متاثرہ کھلاڑیوں اور ٹیم منیجر کو علاج کیلئے بنگلہ دیش میں روکا گیا تھا تاہم منفی ٹیسٹ والی کھلاڑیوں اور سٹاف کو وطن واپس بھیج دیا گیا تھا ۔