شرقپور شریف (نامہ نگار) ری فلنگ کے دوران گیس سیلنڈر پھٹنے سے زوردار دھماکہ ہوا جبکہ 4راہگیر زخمی ہو گئے۔ آگ نے دو دکانوں کو اپنی لپیٹ میں لے لیا جس سے لاکھوں روپے مالیت کا سامان جل کر خاکستر ہو گیا۔ تفصیلات کے مطابق محلہ آرے والہ چوک میں قاسم علی اپنی دکان میں گیس سلنڈر کی ری فلنگ کر رہا تھا کہ اچانک سلنڈر میں زوردار دھماکہ ہو گیا  جس کے نتیجے میں 4راہگیر شدید زخمی ہو گئے۔ ریسکیو1122 کی امدادی ٹیموں نے زخمیوں کو فوری طبی امداد دیکر ہسپتال منتقل کر دیا۔