ننکانہ صاحب: نواحی گائوں ٹیلاں  میں گندم کٹائی مہم کی افتتاحی تقریب 

ننکانہ صاحب(نامہ نگار) ضلعی محکمہ زراعت توسیع کے زیر اہتمام نواحی گائوں ٹیلاں میں گندم کٹائی مہم کی افتتاحی تقریب کا انعقاد کیا گیا جس میں ڈپٹی کمشنر ننکانہ زاہد پرویز وڑائچ نے بطور مہمان خصوصی شرکت کی۔ ڈپٹی کمشنر کی آمد پر کسانوں کی جانب سے پرتپاک استقبال کیا گیا اورپھولوں کی پتیاں نچھاور کی گئیں۔ افتتاحی تقریب میں ڈپٹی ڈائریکٹر زراعت توسیع رانا عارف، اسسٹنٹ ڈپٹی ڈائریکٹر زراعت توسیع ،ضلعی محکموں کے افسروں سمیت کسانوں کی کثیرتعداد بھی موجود تھی۔ ڈپٹی کمشنر ننکانہ زاہد پرویزوڑائچ نے اس موقع پر اپنے ہاتھوں سے گندم کاٹ کر گندم کٹائی مہم کا افتتاح کیا ۔اور فصل کی بہترین پیداوار کے لیے خصوصی دعا بھی کی گئی۔