اسلام آبا د (خصوصی نامہ نگار)پاکستان یمن کی صدارتی لیڈرشپ کونسل کے قیام اور جی سی سی کی میزبانی میں ہونے والے انٹرا یمنی ڈائیلاگ کے کامیاب اختتام کا خیرمقدم کرتا ہے۔تر جما ن دفتر خا رجہ کے مطا بق پاکستان یمن کی صدارتی قیادت کونسل کے قیام، ریاض میں جی سی سی کی میزبانی میں ہونے والے انٹرا یمنی ڈائیلاگ کے کامیاب اختتام اور اقوام متحدہ کے خصوصی ایلچی کے یمن میں جنگ بندی کے اعلان کا خیرمقدم کرتا ہے۔پاکستان کونسل کے قیام کو درست سمت میں ایک اہم قدم سمجھتا ہے جس سے یمنی بحران کے جامع سیاسی حل کو فروغ دینے میں مدد ملے گی۔پاکستان جی سی سی کے اقدامات اور یمن میں تنازع کے پرامن حل کے لیے سعودی کوششوں کی مکمل حمایت کرتا ہے۔ہم یمن میں تنازعہ کے تمام فریقوں پر زور دیتے ہیں کہ وہ دشمنی کے خاتمے اور علاقائی امن و استحکام کو یقینی بنانے کے لیے بامعنی مذاکرات میں شامل ہوں۔
 پاک یمن کونسل