تحفظ ناموس رسالت کیلئے حضرت خدیجۃ الکبریٰ ؓ کا کردار مشعل راہ ہے: مقررین 

لاہور( خصوصی نامہ نگار)تحفظ ناموس رسالت محاذکے زیر اہتمام لاہور میں اْم المومنین حضرت خدیجۃ الکبریٰ ؓ کے یوم وصال کے موقع پر فضائل ’’حضرت خدیجۃالکبریٰ ؓ ‘‘ سیمینار کا انعقادعلامہ رضاء مصطفی کی صدارت میں منعقد کیا گیا ۔سیمینار سے تحفظ ناموس رسالت محاذ کے دیگر مرکزی رہنماؤں علامہ محمد علی نقشبندی،مفتی حسیب قادری اور مفتی عمران حنیف اور علامہ مفتی نعیم جاوید نوری سمیت دیگر نے بھی خطاب کیا ۔مقررین نے سیمینار سے خطاب کرتے ہوئے کہا کہ تحفظ ناموس رسالت کی خاطر حضرت خدیجۃ الکبریٰ ؓ کا کردار ہم سب کیلئے مشعل راہ ہے۔ اْم المؤمنین حضرت خدیجۃ الکبریٰ ؓ کے ملّت اسلامیہ پر احسانات کبھی فراموش نہیں کیے جاسکتے۔