تبادلہ کے بعد سی سی پی او کی پولیس ہیڈ کوارٹرز میں الوداعی ملا قات 

لاہور(نامہ نگار)لاہور سے ہٹائے جانے والے سی سی پی او فیاض احمد دیو نے وفاق تبادلے پر گزشتہ لاہور پولیس کے سینئر افسران سے کیپٹل سٹی پولیس ہیڈ کوارٹرز میں الوداعی ملاقات کی۔ڈی آئی جی انوسٹی گیشن شہزادہ سلطان،ڈی آئی جی آپریشنز ڈاکٹر عابد خان،ڈی آئی جی سکیورئی محبوب،سی ٹی او منتظر مہدی،ایس ایس پی انوسٹی گیشن عمران کشور،ایس ایس پی آپریشنزمستنصر فیروز، ایس ایس پی ایڈمن عاطف نذیر،ایس ایس پی ڈسپلن اعجاز رشید،ایس ایس پی لیگل غلام حسین چوہان،ایس پی سکیورٹی،ایس پی سی آئی اے،ایس پی اے وی ایل ایس،ایس پی ڈولفن سکواڈ سمیت آپریشنز،انوسٹی گیشن ونگز اورسکیورٹی ڈویژن کے تمام ایس پیز اورسی سی پی او آفس کے سینئر افسران بھی موجود تھے۔سینئر پولیس افسران نے فیاض احمد دیو کو تحائف،سوینئرزاور گلدستے پیش کئے۔فیاض احمد دیو نے بہترین کارکردگی پر پولیس افسران میں کیش ایوارڈز تقسیم کئے اورکہا کہ دوران تعیناتی تمام افسران اور سٹاف کا تعاون مثالی رہا۔ دوران تعیناتی تفویض کردہ ذمہ داریاں خلوص نیت اور محنت سے انجام دینے کی بھرپور کوشش کی۔فیاض احمد دیو نے لاہور پولیس بلاشبہ ملک کی بہترین فورس ہے،اس کی کمانڈ کرنے پر فخر ہے۔