سندھ تائیکوانڈو پومزے کورس وتربیتی پروگرام کا آج  آغاز

کراچی (نیوز رپورٹر) سندھ تائیکوانڈو کے زیر اہتمام "پہلا Combaxx سندھ تائیکوانڈو پومزے کورس اور تربیتی پروگرام" 14 اپریل سے سندھ اسپورٹس بورڈ کمپلیکس، ناظم آباد کراچی میں شروع ہوگا۔مذکورہ کورس کا انعقاد 5 ڈان کورین ماسٹر سیونگ اوہ چوئی کی زیر نگرانی ہوگا۔ جنہیں کراچی میں اس کورس کے انعقاد کے لیے خصوصی طور پر مدعو کیا گیا ہے۔سندھ تائیکوانڈو کے صدر کامران قمر قریشی، ریحان ہاشمی، فراز عثمان،خلدون راجہ ، ندیم احمد ، نور احمد، متین عزیز ، ثاقب، فصیح الدین ، اشفاق ، خرم ، مسرور ، جاوید، عابد ، ماجدہ حمید ، ھما ناصر ، افشاں ، منیزا اکرم ، صدیق، اور وقاص  نے کورس کے حوالے سے تعاون اور نگرانی پر کرنل وسیم صدر PTF اور  عمر سعید صدر SATA کا شکریہ ادا کیا۔ انہوں نے اسپانسرز اور سپورٹرز Combaxx سپورٹس کے زبیر مچا ، سندھ اسپورٹس بورڈ کے انجم احمد  کا بھی شکریہ ادا کیا۔کورس میں50 سے زائد کھلاڑی اور 15سے زائد کوچز/ریفری شرکت کریں گے۔کورس میں بہتر پرفارمنس کرنے والے آفیشلز و کھلاڑیوں کوعید کے بعد لگنے والے قومی کیمپ کے لیے انتخاب کیا جائے گا۔
مزکورہ کورس 2 سیشنز میں 8 دن تک دوپہر اور  شام کے سیشنز میں ہوگا۔