عیدالفطر پر 5 چھٹیاں ہوں گی: وفاقی حکومت پی آئی اے نے کرائے 10 فیصد کم کر دیئے

کراچی + اسلام آباد (سٹاف رپورٹر+نیٹ نیوز) وفاقی  حکومت نے عیدالفطر کی 5 چھٹیوں کی منظوری دے دی۔ عید الفطر کی چھٹیوں کی منظوری کابینہ ڈویژن کی سفارش پر دی گئی ہے۔ وزارت داخلہ کے اعلامیے کے مطابق عیدالفطر کی تعطیلات 21 سے 25 اپریل تک ہوں گی۔ دوسری جانب پی آئی اے نے عیدالفطر پر مسافروں کے لئے کرایوں میں کمی کا اعلان کر دیا۔ ترجمان کے مطابق کرایوں میں 10 فیصد کمی کر دی گئی ہے۔ کمی کا اطلاق 22 اور 23 اپریل کو ہو گا۔