لاہور (سپورٹس رپورٹر)مارک بائوچر نے اظہر محمود کی بطور ہیڈ کوچ پاکستان ٹیم تقرری کو بہترین فیصلہ قرار دیتے ہوئے کہاہے کہ کرکٹرز ان کی صلاحیتوں اور تجربے سے بھرپور فائدہ اٹھاسکتے ہیں۔ اظہر ڈھلتی عمر میں بھی سپر فٹ اور پوری رفتار سے بائولنگ کرتے ہیں،میں نے انھیں بیٹرز اور وکٹ کیپرز کو طویل پریکٹس سیشنز کرواتے ہوئے دیکھا ہے،وہ سیم اور سوئنگ بائولنگ کا بڑا علم رکھتے ہیں، کوئی بھی ٹیم ان کو اپنے ڈریسنگ روم میں دیکھنا چاہے گی، سرے کائونٹی کو ان کی کمی محسوس ہوگی۔ پاکستان نے اظہرمحمود کی خدمات سے فائدہ اٹھانے کا اچھا فیصلہ کیا، کرکٹرز ان کی صلاحیتوں اور تجربے سے بھرپور فائدہ اٹھاسکتے ہیں۔