لاہور(نامہ نگار)عید الفطر کے تینوں روز لاہور سمیت پنجاب بھر میں ٹریفک حادثات کے ریکارڈ ٹوٹ گئے۔اس سلسلے میں ریسکیو 1122کی جانب سے جاری رپورٹ کے مطابق عید کی تین روزہ تعطیلات کے دوران پنجاب بھر میں مجموعی طور پر 6294 ٹریفک حادثات رونما ہوئے۔جن میں سے 1082 حادثات لاہور میں ہوئے۔ان حادثات کے نتیجہ میں پنجاب بھر میں 32 افراد جان کی بازی ہار گئے۔پنجاب بھر میں کار کے 704، رکشہ کے 304 اور موٹرسائیکلوں کے 6031 ٹریفک حادثات ہوئے ہیں۔