ملائشیا میں ٹریفک حادثہ، رستم ، گجرات کے تین افراد جاں بحق 

رستم  (نمائندہ نوائے وقت ) ملائشیا کے شہر جوہر بارو میں ٹریفک حادثہ، تحصیل رستم جھونگڑے گجرات کے رہائشی تین افراد جاں بحق جبکہ چار افراد شدید زخمی، ویلج کونسل جھونگڑے گجرات کے چیئرمین حاجی عابد خان کے مطابق ملائشیا کے شہر جوہر بارو میں مقیم پاکستانی باشندگان جن کا تعلق تحصیل رستم کے علاقہ جھونگڑے گجرات سے ہیں نماز ادا کرنے کے لئے جا رہے تھے کہ راستے میں خوفناک حادثے کا شکار ہو گئے جس کے نتیجے عادل خان ولد نور اللہ، شایان خان ولد ممتاز علی اور ظاہر خان ولد نامعلوم موقع پر جاں بحق ہو گئے جبکہ قائد ولد محمد شیر، کامران خان ولد محمد ولی، سلیم ولد سید رسول اور یاسین ولد افضل شاہ ساکنان جھونگڑے گجرات تحصیل رستم شدید زخمی ہو گئے ہیں، انہوں نے حکومت پاکستان سے مطالبہ کیا کہ ملائشیا سفارتخانہ سے فوری رابطہ کرکے مذکورہ حادثے میں جاں بحق اور زخمیوں کو پاکستان جلد منتقل کیا جائے تاکہ لواحقین کی داد رسی ہونے سمیت پریشانی کم میں کمی ہو سکے۔