راولپنڈی(سٹاف رپورٹر) راولپنڈی ویسٹ مینجمنٹ کمپنی نے عیدالفطر کیلئے صفائی پلان کو کامیابی سے مکمل کر لیا،چیئرمین راولپنڈی ویسٹ مینجمنٹ کمپنی ثاقب رفیق عید کے روز بھی متحرک رہے ،انہوں نے عید کے پہلے دن سیکٹرز اے،بی اور سی کے تفصیلی دورے کر کے صفائی کا معائنہ کیا،ورکرز سے عید ملے،اندرون گلیوں میں جا کر شہریوں سے صفائی کے حوالے سے بات کی،اس موقع پر بات چیت کرتے ہوئے ثاقب رفیق نے کہا کہ راولپنڈی ویسٹ مینجمنٹ کمپنی کے ورکرز اپنی چھٹی کی قربانی دے کر عید کیلئے شہریوں کو صاف ستھرا ماحول فراہم کرنے کیلئے مصروف عمل رہے،ن کی کاوشوں کو خراج تحسین اور سلام پیش کرتے ہیں،وزیر اعلی پنجاب مریم نواز شریف کی ہدایت پر جاری ستھرا پنجاب مہم میں عید الفطر کے روز سی ای او راولپنڈی ویسٹ مینجمنٹ کمپنی رانا ساجد صفدر کے احکامات پر راولپنڈی ویسٹ مینجمنٹ کمپنی کے ورکرز چاند نظر آتے ہی صفائی میں مصروف ہو گئے،سڑکوں کو دھویا،مساجد ،عیدگاہوں اور قبرستانوں کی صفائی کرکے پانی اور چونے کا چھڑکائو کیا،عید نماز سے پہلے پورا شہر صاف کیا اور پورا دن صفائی یقینی بنانے میں مصروف عمل رہے،راولپنڈی ویسٹ مینجمنٹ کمپنی کے ورکرز عید کے موقع پر مری کی صفائی کو  یقینی بنایا،ڈی سی مری آغا ظہیر عباس شیرازی نے عید کے روزشہر کا دورہ کرکے صفائی کا معائنہ کیا اور بہترین صفائی پر ورکرز کو شاباش اور عیدی دی