کامرہ ہٹیاں روڈ پر سی این جی پمپ میں گیس  دھماکہ،1 شخص شدید زخمی 

سنجوال کینٹ (نامہ نگار)کامرہ ہٹیاں روڈ پر واقع طاہر سی این جی پمپ میں گیس بلاسٹ،1 شخص شدید زخمی تفصیلات کے مطابق ریسکیو 1122 اٹک کنٹرول روم میں ایک ایمرجینسی کال موصول ہوئی جس میں کالر نے بتایا کہ طاہر سی این جی پمپ پر ایک گیس کا بلاسٹ ہوا ہے جس میں ایک شخص زخمی ہے۔ کال کے فورا بعد ریسکیو ایمبولینس اور فائر وہیکل جائے وقوعہ کی طرف موو کروا دی گئیں پمپ سٹاف کے مطابق پمپ پر ورکر نے جیسے ہی کمپریسر مشین آن کی تو گیس لیکیج کی وجہ سے بلاسٹ ہو گیا جس وجہ سے کمپریسر روم اور پمپ کے مختلف سامان کو نقصان پہنچا۔ ریسکیو فائر فائٹرز نے موقع پر موجود آگ کو کنٹرول کیا اور کولنگ کا عمل کیاریسکیو سٹاف کے مطابق مریض ÷80 جل گیا۔ جس کو ابتدائی طبی امداد دیتے ہوئے اسفند یار بخاری ہسپتال اٹک منتقل کر دیا گیا۔ بعد ازاں اس مریض کو ریسکیو ایمبولینس میں برن یونٹ PIMS اسلام آباد منتقل کیا گیا۔