تلہ گنگ (نامہ نگار )تھانہ ٹمن کے علاقہ کوٹ گلہ میں قتل کی واردات میں ایک خاتون قتل اور دو مردوں سمیت ایک عورت زخمی ہو گئی  ۔مقتولہ شمیم اختر کی عمر 45 سال بتائی گئی ہے۔ زخمیوں میں محمد رسول، سردار خان اور ثمرین شامل ہیں۔ سید نصیر احمد شاہ ایس ڈی پی او تلہ گنگ سرکل، ایس ایچ او تھانہ ٹمن، انچارج پولیس چوکی میال اور پولیس کی نفری موقع پر پہنچ گئی اورملزمان کی گرفتاری کے لئے علاقہ کو گھیرے میں لے کر سرچ آپریشن کر دیا ۔کرائم سین یونٹ اور PFSA کی ٹیم کو بھی موقع پر بلوالیا گیا جس کے ذریعے تمام تر شواہد اکھٹے کیے گئے۔ اور نعش کو ڈی ایچ کیو ہسپتال برائے پوسٹ مارٹم بھجوادیا گیا۔ابتدائی اطلاعات کے مطابق وجہ عناد گھریلو ناچاکی ہے۔