ایس ایس پی آپریشنزحافظ کامران اصغر کا دروہ تھانہ ٹیکسلا 

راولپنڈی (اپنے سٹاف رپورٹر سے)ایس ایس پی آپریشنز فلائٹ لیفٹیننٹ (ر)حافظ کامران اصغرنے رات گئے تھانہ ٹیکسلا کا سرپرائز وزٹ کیا،  ایس ایس پی آپریشنز نے تھانے کے فرنٹ ڈیسک، حوالات، ریکارڈ اور عمارت کا تفصیلی جائزہ لیا اور متعلقہ افسران کو ضروری ہدایات دیں،ایس ایس پی آپریشنز تھانے میں موجود افسران اور جوانوں سے ملے اور ان کے مسائل دریافت کئے، تھانہ کی سطح پر شہریوں کی شکایات کا بروقت ازالہ ہر صورت یقینی بنایا جائے،ایس ایس پی آپریشنز فلائٹ لیفٹیننٹ (ر) حافظ کامران اصغر کا کہناتھاکہ رمضان المبارک کے حوالے سے الرٹ سکیورٹی ڈیوٹیز سرانجام دی جائیں، اس حوالے سے متعینہ افسران و جوانوں کو روزانہ چیک اور بریف کیا جائے، جرائم کی روک تھام پولیس کا بنیادی فریضہ ہے، موثر گشت اور سنیپ چیکنگ کو یقینی بنایا جائے، متحرک گینگز کے خلاف مربوط حکمت عملی کے تحت کارروائی کی جائے، ایف آئی آر کے بروقت اندراج اور میرٹ پر تفتیش کو ہر صورت یقینی بنایا جائے۔