آزاد کشمیر، کلیاں نالے پر پل بیٹھ گیا، 2 افراد جاں بحق،4زخمی

مظفر آباد(آن لائن)آزاد کشمیر کے علاقے برنالہ میں کلیاں نالے پر واقع پل بارش کی وجہ سے بیٹھ گیا،حادثے کے نتیجے میں 2افراد جاں بحق اور 4زخمی ہو گئے۔برنالہ آزاد کشمیر میں وقفے وقفے سے بارش کا سلسلہ جاری ہے، کلیاں نالے پر بارش کی وجہ سے پل بیٹھ گیا،جس کی وجہ سے ایک مسافر وین، ایک ٹریکٹر اور ایک موٹر سائیکل نیچے جا گرے۔حادثے کے نتیجے میں 2افراد جاں بحق جبکہ 4زخمی ہوئے ہیں، نعشوں اور زخمیوں کو ہسپتال منتقل کردیا گیا ہے، کرین کی مدد سے ریسکیوآپریشن مکمل کر لیا گیا۔