اسلام آباد (این این آئی)پاکستان تحریک انصاف کے رہنما نعیم الحق نے کہاہے کہ تمام 60سال سے زائد عمر کے افراد کے لیے ملک بھر میں ریلوے اور لاہور، اسلام آباد، پنڈی، ملتان میٹرو میں مفت سفرکی سہولت ہونی چاہیے۔نعیم الحق نے یہ تجاویز سماجی رابطے کی ویب سائٹ ٹوئٹر پر اپنے پیغام میں دی ہیں۔ان کا کہنا ہے کہ تمام پنشنرز کو ان کی پنشن ان کے گھر یا ان کے بینک اکائونٹ میں ملنی چاہیے بجائے اس کے کہ وہ بینکوں میں لمبی قطاریں لگا کر پنشن وصول کریں۔