وزیر اعظم عمران خان سے مظفرآباد میں آزاد جموں کشمیر اور حریت کانفرنس کے رہنما ﺅں کی ملاقات

 وزیر اعظم عمران خان نے مظفرآباد میں آزاد جموں کشمیر اور حریت کانفرنس کے رہنما ﺅں سےملاقات کی ، کشمیری رہنماﺅں نے وزیر اعظم عمران خان کا پاکستان کا یوم آزادی کشمیری عوام کے ساتھ اظہار یکجہتی کے طور پر منانے اور مظفر آباد آنے پر شکریہ ادا کیا. تفصیلات کے مطا بق بد ھ کے روز ہو نے والی ملا قات میں کشمیری رہنما ﺅں نے وزیر آعظم کو آگاہ کیا کہ مقبوضہ کشمیر میں ہندوستان نے ظلم و ستم کی وہ انتہا کر دی ہے جس کی مہذب دنیا میں آج تک کوئی مثال نہیں ملتی ۔ شہریوں کو محصور کر لیا گیا ہے اور روابط کے تمام راستے بشمول ٹیلیفون اور انٹرنیٹ منقطع کر دیے گئے ہیں ۔ ایل او سی کے اس پار کشمیری اپنے اہل و اعیال کے حال سے بے خبر ہیں۔ تمام کشمیری قیادت کو نظر بند کر دیا گیا ہے۔ وزیر اعظم کو آگاہ کیا گیا کہ ہندوستان نے اہل قلم بشمول صحافیوں اور اساتذہ کو بھی قید میں رکھ ہوا ہے جو کہ تمام بین الاقوامی انسانی حقوق کی کھلی خلاف ورزی ہے۔ وزیر اعظم عمران خان نے کشمیری رہنماوں کو یقین دلایا کہ اس مشکل ترین وقت میں حکومت پاکستان اور پوری قوم اپنے کشمیری بھائیوں اور بہنوں کے ساتھ کھڑ ی ہے۔ انہوں نے کہا کہ آج کے دن میری یہاں موجودگی اس بات کا ثبوت ہے ۔ پاکستان اپنے کشمیری بھائیوں کی مکمل طور پر اخلاقی، سفارتی اور سیاسی حمایت جاری رکھے گا اور ہر فورم پر کشمیر کاز کو بھرپور طریقے سے اجاگر کرے گا۔