کراچی کی اہم شاہراہوں پرشدید ٹریفک جام،شہریوں کو مشکلات کا سامنا

کراچی(پی پی آئی)کراچی کی اہم شاہراہوں پر جمعرات کو ٹریفک جام رہا جس سے ٹریفک کی روانی میں خلل بھی  واقع ہوا  اور شہریوں کو مشکلات کا سامنا کرنا پڑا۔ٹریفک پولیس کے مطابق کیماڑی اوراطراف میں ٹریفک کی روانی متاثر ہورہی ہے،پورٹ سے زیادہ گاڑیاں آنے کی وجہ سے ٹریفک سست روی کاشکارہے۔ٹریفک پولیس کی جانب سے بتایا گیا ہے کہ مرزا آدم روڈ خان سے جناح برج تک ٹریفک کی روانی متاثرہے اورمال بردارگاڑیوں کوروکا گیا ہے۔اس کے علاوہ جناح پل سے ماڑی پورٹریفک کوگلبائی سے  نادرن بائی پاس موڑ دیا گیا ہے۔ٹریفک پولیس نے بتایا ہے کہ پیپرمارکیٹ میں14اگست کیسامان کی خریداری جاری ہے اس وجہ سے ٹاورتک ٹریفک سست روی کا شکارہے۔