پاکستان کے73ویں یوم آزادی کے موقع پر ایوان صدر میں منعقدہ پرچم کشائی کی تقریب کے موقع پر تلاوت کی گئی قرآنی آیات کا اردو ترجمہ۔ شروع اللہ کے نام سے جو نہایت مہربان اور رحم کرنے والا ہے۔ اے ایمان والو!صبر اور نماز کے   ذریعے  مدد چاہویقیناً اللہ صبر کرنے والوں کے ساتھ ہے۔ اور جو الوگ اللہ کی راہ میں مارے جائیں انہیں مردہ  مت کہو   وہ زندہ ہیں  مگر تمہیں ان کی زندگی کا شعور نہیں اور ہم تمھیں ضرور بہ ضرور آزمائیں گے ، خوف سے بھوک سے اور مالوں ، جانوں اور پھلوں کے نقصان سے ، آپۖ ان صبر کرنے والوں کو خوشخبری سنا دیں ۔ ان کو کوئی مصیبت پڑتی ہے تو کہتے ہیں ہم اللہ ہی کے ہیں اور ہمیں اسی کی  طرف لوٹ کر جانا ہے۔ یہی وہ لوگ ہیں جن پر ان کے رب کی  طرف سے پے در پے نوازشیں ہیں ، رحمت ہے اور یہی لوگ ہدایت یافتہ ہیں۔