کراچی (وقائع نگار)سول ایوی ایشن اتھارٹی (سی اے اے) نے ملک کے 7 ائیر پورٹس پر ریپڈ پی سی آر ٹیسٹ کیلئے جگہ فراہم کردی حکام کے مطابق متحدہ عرب امارات (یو اے ای) جانے والے مسافروں کی پاکستان ائیرپورٹس پر ریپڈ پی سی آر ٹیسٹ کی شرط کے بعد سول ایوی ایشن حکام نے 7 ائیرپورٹس پرٹیسٹ کیلئے جگہ فراہم کردی ہے،حکام کا کہنا ہے کہ سی اے اے نے تمام اہیرلائنز کو کراچی، اسلام آباد، لاہور، پشاور، فیصل آباد، ملتان اور کوئٹہ ائیرپورٹس پر جگہ فراہم کی ہے،سی اے اے کے مطابق پی آئی اے کے ریزرویشن آفس میں سندھ لیب ریپڈ پی سی آرٹیسٹ کرے گا،حکام کا کہنا ہے کہ سی اے اے نے  این سی او سی کو وزارت صحت سے ریپڈ پی سی آر ٹیسٹ کی قیمت کا تعین کرنے کی درخواست کی ہے واضح رہے کہ متحدہ عرب امارات نے پاکستان سے دبئی سفرکیلئے ریپڈ پی سی آر ٹیسٹ کی شرط عائد کی ہے۔