لاہور (سپورٹس رپورٹر)کشمیر پریمیئر لیگ میں کوٹلی لائنز نے اوورسیز وارئیرز کو 8 وکٹوںسے شکست دیدی۔میچ میں کوٹلی لائنز نے اوورسیز وارئیرز کے خلاف ٹاس جیت کر پہلے بائولنگ کا فیصلہ کیا۔اوورسیز وارئیرز نے 6 وکٹوں پر 211 رنز بنائے۔ کوٹلی لائنز کو جیت کیلئے 212 رنز کا ہدف دیا ہے۔وارئیرز کے حیدر علی ، ناصر نواز اور اعظم خان نے برق رفتار اننگز کھیلتے ہوئے اپنی نصف سنچریاں مکمل کیں۔جواب میں کوٹلی لائنز نے جنید ، کامران، احسن اور آصف کی عمدہ پرفارمنس کی بدولت میچ 19 ویں اوور میں ہی اپنے نام کرلیا۔ا س سے قبل گزشتہ روز اوورسیز وارئرز نے راولا کوٹ ہاکس کو بارش سے متاثرہ میچ میں 7 وکٹ سے شکست دی تھی، میچ کا فیصلہ ڈک ورتھ لوئس قانون کے تحت ہوا تھا۔میر پور رائلز نے مظفر آباد ٹائیگرز کو شکست دے کر پلے آف مرحلے کیلئے کوالیفائی کرلیا ۔ مظفر آباد ٹائیگرز نے محمد حفیظ کے 110رنز کی بدولت 6وکٹوں پر 227رنز بنائے ۔ سلمان ارشاد، شاداب مجید اور عماد بٹ نے دو دو کھلاڑیوں کو آوٹ کیا۔فاتح ٹیم نے ہدف پانچ وکٹوں پر 231رنز بناکر حاصل کرلیا ۔ خوش دل شاہ نے22گیندوں پر ناقابل شکست 56رنز بنائے ۔