لورا لائی میں ایف سی کی گاڑی پر دہشت گردوں کی فائرنگ, پاک فوج کے نائیک شریف شہید, جوابی کارروائی میں 3 دہشت گرد ہلاک

پاک فوج کے شعبہ تعلقات عامہ (آئی ایس پی آر) نے کہا ہے کہ بلوچستان کے ضلع لورالائی میں شاہرگ میں ایف سی بلوچستان کی گاڑی پر دہشت گردوں نے فائرنگ کی ہے، ایف سی اہلکاروں نے دہشت گردوں کی فائرنگ کا موثر جواب دیتے ہوئے 3 دہشت گردوں کو ہلاک کردیا ہے۔ہفتہ کو آئی ایس پی آر کی جانب سے جاری بیان کے مطابق فائرنگ کے تبادلہ میں پاک فوج کے نائیک شریف شہید ہوگئے جبکہ میجر قاسم اور ایک سپاہی زخمی ہوئے ہیں، زخمیوں کو علاج کےلئے سی ایم ایچ کوئٹہ منتقل کردیا گیا ہے۔