حادثہ فیروزہ کے علاقے میں پیش آیا‘ سیوریج کے پانی میں پھنسی گاڑی کے اوپر اچانک ٹرالر آن گرا

رحیم یار خان (نوائے وقت رپورٹ) رحیم یار خان میں ٹریفک حادثہ میں 13 افراد جاں بحق ہو گئے۔ ریسکیو حکام کے مطابق رحیم یار خان کے علاقے فیروزہ میں ٹرالر مسافر کوچ پر الٹ گیا۔ حادثے میں 13 افراد جاں بحق اور 5 زخمی ہو گئے۔ منی مسافر کوچ میں 18 افراد سوار تھے۔ شاہراہ پر سیوریج کا پانی جمع ہونے سے منی کوسٹر پھنس گئی تھی۔ سڑک پر پہلے سے پھنسی کوچ پر ٹرالر آگرا۔ حادثے پر عوام مشتعل ہو گئے اور حادثے کے مقام پر پہنچنے والے اسسٹنٹ کمشنر کی گاڑی پر حملہ کر دیا۔ تاہم انہیں منشتر کر دیا گیا۔ زخمیوں کو طبی امداد کیلئے ہسپتال منتقل کر دیا گیا ہے۔
رحیم یارخان حادثہ