راولپنڈی(جنرل رپورٹر)پنجاب فوڈ اتھارٹی نے جعلی کولڈ ڈرنکس سپلائی کرنیوالا گودام پکڑ لیا8811 لٹر معروف برانڈز کی جعلی کولڈ ڈرنکس برآمد کرلی گئی ڈی جی فوڈ اتھارٹی کے مطابق فوڈ سیفٹی ٹیم نے خفیہ اطلاعات پر فتح جنگ میں کارروائی کی کولڈ ڈرنکس کے نمونوں کا جدید ترین ٹیکنالوجی کی مدد سے موقع پر معائنہ کیا گیا۔نمونوں میں مضر صحت اور غیر معیاری اجزاء کی آمیزش پائی گئی۔ انہوں نے بتایا کہ کولڈ ڈرنکس کے نمونوں کو مزید تجزیے کیلئے فوڈ لیب بھجوایا گیا ہے۔ معروف برانڈز کی جعلی کولڈ ڈرنکس کو گردونواح میں سپلائی کیا جاتا تھا۔ ان کا مزید کہنا تھا کہ جعل ساز مافیا کی سرکوبی کیلئے تمام وسائل کو بروئے کار لا رہے ہیں۔