یوم آزادی پرکلرسیداں میںسائیکل ریلی کا اہتمام

کلرسیداں(نامہ نگار)آج ملک کے 75 ویں یوم آزادی کی تقریبات پورے جوش و خروش سے منائی جائیں گی پریس کلب کلرسیداں کے جنرل سیکرٹری چوہدری جواد مجید کے زیر نگرانی اتوار دن 10.30 بجے شاہ باغ تا کلرسیداں سائیکل ریلی کا اہتمام کیا گیا ہے جس میں ایم پی اے راجہ صغیر احمد،ظفر سپاری اورشاہد بھٹی مہمانان خصوصی ہوں گے۔پی ٹی آئی رہنما شہزاد احمد بٹ کے زیراہتمام صبح دس بجے صحت مند کلرسیداں کے حوالے سے پنڈی روڈ پر واقع شیل پمپ سے خاتم النبین ﷺچوک تک اوپن ریس ہوگی جس میں پاکستان آرمی،گوجرخان اور گردونواح کے شہری شرکت کریں گے جبکہ سابق رکن پنجاب اسمبلی محمود شوکت بھٹی کی رھائش گاہ پر منعقدہ تقریب میں سابق وزیر اعظم شاہد خاقان عباسی بھی شرکت کریں گے ۔جشن آزادی کے سلسلے میں کئی مدارس نے تقریبات ایک دن قبل ہی منعقد کرلیں اس کے علاوہ بھی کئی مقامات پر کھیلوں کے پروگرام منعقد ہوں گے۔