لاہور (نامہ نگار) فیکٹری ایریا کے علاقے میں شوہر نے امریکن نیشنل 50 سالہ بیوی کو بیہمانہ تشدد کا نشانہ بنا کر موت کے گھاٹ اتار دیا اور اپنا گناہ چھپانے کے لئے رات کے اندھیرے میں اکیلے بیوی کی لاش قبرستان لے جا کر دفن کرنے کی کوشش کی۔ شہریوں کی اطلاع پر پولیس نے ملزم کو گرفتارکر کے لاش پوسٹ مارٹم کے لیے مردہ خانے منتقل کر دی ہے۔ فیکٹری ایریا کے علاقے میں ہفتے اور اتوار کی درمیانی شب گلستان کالونی غازی روڈ قبرستان میں پنجاب کوآپریٹو ہاو¿سنگ سوسائٹی کا رہائشی کاظم کمال خان اکیلے ہی اپنی امریکی بیوی ڈائینا کرسٹو خاں کی لاش دفن کر رہا تھا۔ شہریوں کی اطلاع پر پولیس نے موقع پر پہنچ کر ملزم کاظم کمال خان کو گرفتار کر لیا۔ خاتون کی لاش برہنہ حالت میں اور بغیر کفن کے تھی جبکہ جسم پر تشدد کے واضح نشانات تھے۔ پولیس کا کہنا ہے کہ کاظم خان نے اپنی بیوی ڈائنا کرسٹو خان کو تشدد کا نشانہ بنا کر قتل کیا۔ پولیس نے گرفتار ملزم کے خلاف اے ایس آئی محمد ندیم کی مدعیت میں مقدمہ درج کر کے تفتیش شروع کر دی ہے۔ پولیس کے مطابق مقتولہ خاتون امریکی نیشنل تھی اور ان کی ایک بیٹی ہے۔ جس کا نام کرشمہ ہے اور وہ امریکہ میں مقیم ہے۔ ملزم کاظم کمال خان جہلم کینٹ کا رہائشی ہے اور لاہور میں پنجاب کوآپریٹو ہاو¿سنگ سوسائٹی میں رہائش پذیر ہے۔
امریکی نیشنل بیوی قتل