ملک کو درپیش چیلنجز پر قابو پانے کیلئے متحد رہنے کاعزم کرنا ہوگا، چودھری عبیداللہ

 اسلام آباد(وقائع نگار) ممتاز علم دوست شخصیت نیشنل ایسوسی ایشن آف پرائیویٹ سکول کے مرکز ی صدر چودھری عبیداللہ نے کہاہے کہ یوم آزادی ہمیں اپنے اسلاف کی قربانیوں کی یاد دلاتاہے،نسل نو میں وطن کی محبت اور حب الوطنی کا جذبہ پیدا کرنے کی پہلے سے زیادہ ضرورت ہے۔ کیرئیر سکول اینڈ گرلز کالج میں منعقدہ یوم آزادی کی رنگارنگ تقریب سے بطور مہمان خصوصی خطاب کرتے ہوئے  انہوں نے نو نہالوں کے جذبہ وطن کی تعریف کی۔تقریب میں بچوں نے ملی نغمے اور ٹیبلوز پیش کیے جبکہ کالج کو رنگ برنگی جھنڈیوں سے سجایا گیا تھااس موقع پر پرچم کشائی کی باقاعدہ تقریب بھی منعقد ہوئی چودھری عبیداللہ نے کہا کہ یہ دن قائد اعظم کی متحرک قیادت میں ہمارے آباؤ اجداد کی بے پناہ قربانیوں کی یاد دلاتا ہے۔