یوم آزادی شایان شان طریقے سے منانے کیلئے اے سی فتح جنگ بھی متحرک

 فتح جنگ (نامہ نگار ) یوم آزادی شایان شان طریقے سے منانے کیلئے اسسٹنٹ کمشنر فتح جنگ پور ی طرح متحرک مرکزی تقریب آج ایم سی فتح جنگ میں ہوگی جس میں 9بجے پرچم کشائی او ربعد ازاں خصوصی دعائیہ تقریب ہوگی قبل ازیں بھی خاتون اسسٹنٹ کمشنر ڈاکٹر انعم فاطمہ کی زیر نگرانی جشن آزادی کے سلسلہ میںمختلف تقاریب جاری ہیں جن میں گذشتہ روز بھی ریلی نکالی گئی او راقلیتوں کے ساتھ پاکستان کی سالگرہ کا کیک کاٹا گیا جبکہ شہر کی ممتاز ادابی شخصیات کی زیر نگرانی لائبریری میں بھی خصوصی تقریب منعقد ہوئی آرگنائزنگ کمیٹی میں سرداراعجاز احمد خان ساحر ،محمد ریاض کاوش ،ملک محمد علی ،غلام صابر مسعود ،ڈاکٹر آصف جہانگیر خان ،محمد یونس راحت سمیت فتح جنگ شہر کی دیگر معزز شخصیات شامل ہیں جنہوں نے جشن آزادی کو شان وشوکت کے ساتھ منانے کیلئے اپنی تمام تر توانائیا ں صرف کی ہوئی ہیں ۔