آرٹس کونسل میں یوم آزادی کے حوالے سے''اُمید کا سفر''کے عنوان سے تصویری نمائش

راولپنڈی(جنرل رپورٹر)پنجاب آرٹس کونسل میں یوم آزادی پاکستان کے حوالے سے''اُمید کا سفر''کے عنوان تلے تصویری نمائش کا انقعادکیا گیا، افتتاح اسسٹنٹ کمشنر راولپنڈی کینٹ قندیل فاطمہ میمن نے ڈائریکٹر آرٹس کونسل میں وقار احمد کے ہمراہ کیا، نمائش میں1857سے لیکر 1947تک تحریک آزادی، مسلم لیگ اور قائداعظم محمد علی جناح کی زندگی کی یادگار تصاویر رکھی گئیں ہیں۔نمائش14اگست تک عوام کے لیے کھلی رہے گی،اسسٹنٹ کمشنرکینٹ قندیل فاطمہ میمن کا کہنا تھا کہ پاکستان مسلمانان بر صغیر کے خوابوں کی تعبیر ہے۔تصویری نمائش دیکھ کر گماں ہوتا ہے کہ پاکستان کتنی قربانیوں اور مشکلات کے بعد بنا۔قائداعظم محمد علی جناح نے شب و روز ایک کرکے ایک خواب کو حقیقیت کا روپ دیا۔ہماری نوجوان نسل بہت محنتی اور لائق ہے۔