اسلام آباد (خبرنگار)منہاج یوتھ لیگ کے زیر اہتمام تحریک پاکستان میں نوجوانوں کا کردار کے موضوع پر منعقدہ فکری نشست سے خطاب کرتے ہوئے سیکرٹری جنرل خرم نواز گنڈاپور نے کہا کہ نوجوانوں سے بڑی امیدیں وابستہ ہیں، یہی نوجوان قائداعظم کے خواب میں تعبیر کے رنگ بھریں گے۔ مایوسی گناہ ہے، اللہ نے چاہا تو پاکستان دنیا کاایک عظیم ملک بنے گا، ملک و قوم سے دھوکہ اور بے وفائی کرنے والے اپنے انجام کو پہنچیں گے۔ فکری نشست سے بریگیڈیئر (ر)اقبال احمد خان، بیرسٹر عامر حسن،حمیرا بھٹو، نوراللہ صدیقی، مظہر محمود علوی، رانا وحید شہزاد، عمران یونس، عائشہ مبشر، اسماعیل انعام، شاہد راجپوت، رانا وقاص قادری، حنان گجر، کامران سعید عثمانی نے اظہار خیال کیا۔ بیرسٹر عامر حسن نے کہا کہ مجھے خوشی ہے شیخ الاسلام ڈاکٹر محمد طاہرالقادری اور تحریک منہاج القرآن کی تعلیمی و تربیتی سرگرمیوں کا مرکز و محور نوجوان ہیں۔