روئنگ چیمپئن شپ‘ پاکستان نے 5گولڈ، 5سلور ‘ 4برونز میڈل جیت لئے 

لاہور(سپورٹس رپورٹر)ملائیشیا میں کھیلی گئی ایشیئن انڈور روئنگ چیمپئن شپ میں پاکستان روئنگ ٹیم نے 5گولڈ، 5 سلور اور 4 برونز میڈل جیت لیے۔ایشین روئنگ چیمپئن شپ میں ایشیا کے 15 ممالک کے اتھلیٹس نے شرکت کی۔ پاکستان ٹیم میں 10 مرد اور 4 خواتین ایتھلیٹ شامل تھیں۔ چیمپئن شپ 9سے 11اگست تک ملائیشیا کے شہر پینانگ میں کھیلی گئی۔ چین 204 گولڈ،119 سلور اور 96 برونز میڈلز کیساتھ مجموعی طور پر سب سے زیادہ 419 میڈلز کیساتھ سر فہرست رہا۔تھائی لینڈ108 طلائی ،106چاندی اور 145 کانسی کیساتھ مجموعی طور پر 359 میڈلز کیساتھ دوسرے جبکہ قازقستان 103 گولڈ،92 سلوراور 110 برانز میڈلز کیساتھ مجموعی طور پر 305 میڈلز کیساتھ تیسرے نمبر پر رہا۔پاکستان پانچ گولڈ، پانچ سلور اور 4 برونز میڈلز کیساتھ مجموعی طور پر 33 میڈلز کیساتھ 24 ویں نمبر پر رہا۔